《压力释怀 球入了 却哭了

《原创文章 欢迎转载 请列明出处 谢谢》-请支持蓝狮 Facebook专页-《压力释怀 球入了 却哭了 按此观看图片 .图片来源 : Metro前晚车路士完成左欧霸盃分组赛第二回合既赛事,主场以1比0小胜匈牙利球会维迪奥顿,相对于第一回合作客PAOK既赛事,沙利今场明显派出更多副选球员上阵,蓝军表现亦较失色以及比到人老鼠拉龟既感觉,而最终凭着莫拉达一球击败对手,西班牙人打破左今季长达5场赛事既入球荒,入波后更一度流下男儿泪,场面令人相当感慨。开季至今,莫拉达都只係喺对阵阿仙奴既联赛赛事中入左一个波,近期更被沙利由正选调为后备,由「银河唯一」基奥特打正旗号,相信无论係外界以至係佢比自己既压力都唔轻,但不论係以正选定后备上场,近几场波始终都入唔到波,尤其係球员本人愈想入波就会愈焦急,令到自己永远唔能够喺合适时机作出适当决定,再加上运气欠佳,而沙利亦有表示留意到莫拉达入唔到波既情况,指出球队上下都全力支持哩位西班牙射手,但始终都要佢自己走出哩个心理关口。其实开季至今都睇到,莫拉达的确喺一啲背身拎波再分边既质素、身体硬净程度上有明显提升同进步,对比于上季经常性一比对手掂就选择训地既情况好得多,直头好似有大跃进一样。不过唔知由几时开始,球迷就拎左佢去同基奥特作比较对决,但明明两者由出道至今由始至终都唔係相同类型、唔係相同特性以及唔係相同风格既前锋,只係因为「银河唯一」较为高大硬净,加上都喺英超打滚左好几个赛季,所以无论喺前主帅干地定係依加沙利既战术体系下都较为切合。球员不是複製品,如果强行将基奥特做到既功能特式建筑于莫拉达身上实在有点不公平,后者速度同灵活性点都比前者优胜,而言法国人又老一季,能力同状态上就只会逐步向下,再加上车路士今季需要应付多条战线,其实每支球队基本消费都需要拥有三种唔同类型既球员能当前锋位置,假设外借到华伦西亚既巴舒亚伊下季回归,难度又要佢做返同基奥特同一样既野先乎合留队要求?咁讲实在讲唔通。哭,对西班牙人黎讲係一种压力既释怀,而当日车迷既然能够给予费兰度托利斯时间和耐性,为何哩刻就唔能够对莫拉达有一样的仁慈?文章最后更新时间 : 06/10/2018 11:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持